O proxecto Lugo2 Provincial, cofinanciado nun 80% polos fondos FEDER, ten como obxectivo principal o desenvolvemento da provincia de Lugo a través da posta en valor dos recursos naturais dispoñibles, a sensibilización ambiental de habitantes e visitantes, a mellora da eficiencia enerxética e a busca dun modelo económico sostible dende o punto de vista ambiental.

O proxecto pivota sobre tres eixes fundamentais: o medio, a sociedade e a economía, impulsando o crecemento e o emprego respectuoso co medio e a cohesión económica, social e territorial mediante o desenvolvemento rural sostible da provincia de Lugo.

No marco de Lugo2 Provincial, establécese o "Plan Integral para o desenvolvemento sostible do sector agrícola, gandeiro e agroforestal", no que se levarán a cabo actuacións de sensibilización, formación e asesoramento de lucences interesados en crear ou diversificar a súa empresa en torno a algún dos tres sectores de produción.